ನಿಮಗೆ ನಿಮ್ಮ ದಾರಿ.‌‌ ನನಗೆ ನನ್ನ ದಾರಿ... ಕಾಂಗ್ರೆಸ್ ಗೆ ಗುಡ್ ಬೈ ಹೇಳಿದ ಕಣ್ಣೂರಿನ ಹುಲಿಯ ನಡಿಗೆ ಸ್ವತಂತ್ರದೆಡೆಗೋ.. ಬಿಜೆಪಿ ಕಡೆಗೋ...!? ಇಂದು ಮಧ್ಯಾಹ್ನ‌ ಬಳಿಕದ ಪತ್ರಿಕಾಗೋಷ್ಠಿಯಲ್ಲಿ ಸ್ಪಷ್ಟ

ಕಣ್ಣೂರು: ಸಂಸದರು ಈ ಬಾರಿಯ ವಿಧಾನ ಸಭಾ ಚುನಾವಣೆಯಲ್ಲಿ  ಸ್ಪರ್ಧಿಸಬಾರದು ಎಂಬ ಹೈಕಮಾಂಡ್ ನಿರ್ಧಾರದ ನಂತರ, ಕೆ ಸುಧಾಕರನ್ ಪಕ್ಷಕ್ಕೆ ವಿದಾಯ ಹೇಳಿರುವ ಬಗ್ಗೆ ವಿಷಯ ವ್ಯಕ್ತವಾಗಿದೆ ಅವರು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ ಸಿ ವೇಣುಗೋಪಾಲ್ ಅವರನ್ನು ದೂರವಾಣಿಯಲ್ಲಿ ಕರೆದರು. 'ನೀವು ನಿಮ್ಮ ದಾರಿಯಲ್ಲಿ ಹೋಗಿ, ನಾನು ನನ್ನ ದಾರಿಯಲ್ಲಿ ಹೋಗುತ್ತೇನೆ' ಎಂದು ಕೆ ಸುಧಾಕರನ್ ತಿಳಿಸಿದ್ದಾರೆ. ಸುಧಾಕರನ್ ಕಣ್ಣೂರಿನಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸಬಹುದು ಆಥವಾ  ಪ್ರತ್ಯೇಕ ಪಕ್ಷ ರಚಿಸಬಹುದೇ  ಎಂಬುದು ಇನ್ನು ವ್ಯಕ್ತವಾಗಿಲ್ಲ. ಇಂದು  ಮಧ್ಯಾಹ್ನ 12 ಗಂಟೆಗೆ ಪತ್ರಿಕಾಗೋಷ್ಠಿಯಲ್ಲಿ ಘೋಷಣೆ ಹೊರಬೀಳಬಹುದು ಎಂದು ರಾಜಕೀಯ ವಕಯ ಕಾತರದಿಂದಿದೆ. ಈ ನಡುವೆ ಬಿಜೆಪಿ ನಾಯಕರು ಕೂಡ ಸುಧಾಕರನ್ ಅವರನ್ನು ಸಂಪರ್ಕಿಸಿದ್ದಾರೆಂದು ತಿಳಿದು ಬಂದಿದೆ. ಕೆ ಸುಧಾಕರನ್ ಅವರ ಆಪ್ತರು ಬಿಜೆಪಿ ನಾಯಕರೊಂದಿಗೆ ಮಾತನಾಡಿದ್ದಾರೆ. 

ಕಣ್ಣೂರಿನಲ್ಲಿರುವ ಪ್ರಸ್ತುತ ಎನ್‌ಡಿಎ ಅಭ್ಯರ್ಥಿ ಸ್ಪರ್ಧೆಯಿಂದ ಹಿಂದೆ ಸರಿಯುವಂತೆ ಬಿಜೆಪಿ ನಾಯಕರು ಕೋರಿದ್ದಾರೆಂಬುದು ಸುದ್ದಿಯಾಗುತ್ತಿದೆ.  ಕಾಂಗ್ರೆಸ್ ಅಭ್ಯರ್ಥಿಗಳ ಪಟ್ಟಿಯ ಮೊದಲ ಹಂತ ಬಿಡುಗಡೆಯಾದ ನಂತರ, ಅಭ್ಯರ್ಥಿಗಳ ಪಟ್ಟಿಯಲ್ಲಿ ಕೆ ಸುಧಾಕರನ್ ಅವರನ್ನು ಸೇರಿಸದಿದ್ದಕ್ಕಾಗಿ ಸುಧಾಕರನ್ ಅವರ ಅನುಯಾಯಿಗಳಿಂದ ವ್ಯಾಪಕ ಪ್ರತಿಭಟನೆ ವ್ಯಕ್ತವಾಗಿತ್ತು. ನಿನ್ನೆ ರಾತ್ರಿ ಕಣ್ಣೂರು ಡಿಸಿಸಿ ಆವರಣದ ಬಳಿ ಕೆ ಸುಧಾಕರನ್ ಬೆಂಬಲಿಗರು ಪಂಜಿನ ಬೆಳಕಿನಲ್ಲಿ ಪ್ರದರ್ಶನ ನಡೆಸಿದರು. ಸುಧಾಕರನ್ ಬೆಂಬಲಿಗರು 'ಕಣ್ಣೆ ಕರಲೆ ಕೆಎಸ್, ನಮ್ಮ ಪ್ರೀತಿಯ ನಾಯಕ, ಸಣ್ಣ ನಾಯಕನಲ್ಲ, ಇವರು ನಮ್ಮ ನಾಯಕ' ಎಂಬ ಘೋಷಣೆಗಳನ್ನು ಕೂಗಿದರು. ನಾಯಕತ್ವವು ತನ್ನ ಮಾತನ್ನು ಉಳಿಸಿಕೊಂಡಿಲ್ಲ ಎಂದು ಸುಧಾಕರನ್ ಬೆಂಬಲಿಗರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.