ಬದಿಯಡ್ಕ ಅಂಬೇಡ್ಕರ್ ವಿಚಾರ ವೇದಿಕೆ ಆಶ್ರಯದಲ್ಲಿ ಮಹಾತ್ಮ ಅಯ್ಯಂಗಾಳಿ ಅವರ ಜನ್ಮ ದಿನಾಚರಣೆ

 ಅಂಬೇಡ್ಕರ್ ವಿಚಾರ ವೇದಿಕೆ (ರಿ.) ಬದಿಯಡ್ಕ ಇದರ ಆಶ್ರಯದಲ್ಲಿ ಮಹಾತ್ಮ ಅಯ್ಯಂಗಾಳಿ ಅವರ 162ನೇ ಜನ್ಮ ದಿನಾಚರಣೆ ಕಾರ್ಯಕ್ರಮವನ್ನು ಬಾರಡ್ಕ ಅಂಬೇಡ್ಕರ್ ನಗರದಲ್ಲಿ ನಡೆಸಲಾಯಿತು . ವಿಚಾರ ವೇದಿಕೆಯ ಅಧ್ಯಕ್ಷ ರಾಮ ಪಟ್ಟಾಜೆಯವರ ಅಧ್ಯಕ್ಷತೆಯಲ್ಲಿ  ವಿಚಾರ ವೇದಿಕೆಯ ಸ್ಥಾಪಕ ದಿ.ಎಂ.ಎಸ್. ಶೇಖರ್ ಅವರ ಸಹೋದರ ಬಾಲಕೃಷ್ಣ  ಮುರಿಯಂಕೂಡ್ಲು ಅವರು ಅಯ್ಯಂಗಾಳಿಯವರ ಭಾವಚಿತ್ರಕ್ಕೆ ಹಾರಾರ್ಪಣೆಗೈದರು . ಸ್ಥಾಪಕ ಸದಸ್ಯ ನಾರಾಯಣ ಬಾರಡ್ಕ ,  ಕಾರ್ಯದರ್ಶಿ ಸುಂದರ ಬಾರಡ್ಕ , ವಸಂತ ಬಾರಡ್ಕ , ರತ್ನ ಬಾರಡ್ಕ , ಸಂಧ್ಯಾ , ಶಾವನ್ ಮೊದಲಾದವರು ಉಪಸ್ಥಿತರಿದ್ದರು .